കൂട്ടിലാക്കപ്പെട്ട സപ്നങ്ങൾ

-
സ്വപ്നങ്ങളുടെ ശവപ്പറമ്പിൽ
അന്നു കണക്കെടുപ്പ് നടക്കുകയായിരുന്നു.
ആൺ സ്വപ്നങ്ങൾ
പെൺ സ്വപ്നങ്ങൾ

ശൈശവത്തിൽ കൊഴിഞ്ഞവ
ബാല്യത്തിൽ കൊഴിഞ്ഞവ
കൗമരത്തിൽ കൊഴിഞ്ഞവ
യൗവനത്തിൽ കഴിഞ്ഞവ
വാർദ്ധക്യത്തിൽ കൊഴിഞ്ഞവ

ആത്മഹത്യ ചെയ്തവ
വളരാൻ കഴിയാത്തവ
വളരാൻ അനുവദിക്കപ്പെടാത്തവ
കൊലചെയ്യപ്പെട്ടവ
ജനിക്കാനേ കഴിയാത്തവ വേറെയുo

ചിറകുവിരിച്ചു പറക്കുന്ന സ്വപ്നങ്ങളെ
ആസൂയയോടെ നോക്കിയിരുന്ന
കൂട്ടിലാക്കപ്പെട്ട സ്വപ്നങ്ങൾ
മനസ്സിൽ പറഞ്ഞു
'കൂട്ടിലാണെങ്കിലും ഇപ്പോഴുമുണ്ടല്ലോ ഞാൻ '

-കൂട്ടിലാക്കപ്പെട്ട സപ്നങ്ങൾ
-ലേഖാ ദാസ്

Comments

Post a Comment

Popular posts from this blog

ഒരു ചുംബന കവിത

-
ഒന്ന് ചുംബിക്കണം എനിക്ക്. നിനക്കായ്  എൻ ചുണ്ടിൽ വന്നു നിറഞ്ഞ ചുംബനങ്ങളൊക്കെയും തന്നു തീർക്കണം എനിക്ക്. ഉമ്മകൾ നിറഞ്ഞു നിറഞ്ഞ് നിറഞ്ഞ് ചുണ്ടുകൾക്ക് ഭാരം കൂടുതലാണിപ്പോൾ! ഭാരം താങ്ങാനാവാതെ അസ്വസ്ഥതയും! ചിലപ്പോൾ വേദനയും! അതു മാറാൻ ഞാനിപ്പോ ചെയ്യുന്നതെന്തെന്നറിയോ നിനക്ക്? അവയൊക്കെ വായുവിൽ പകരുകയാണ്. പകരുന്നതിനനുസരിച്ച് കൂടുതൽ കൂടുതൽ നിറയുന്നുമുണ്ട്. അതു കൊണ്ട്, വേദന മാറാനെങ്കിലും എനിക്ക് നിരന്തരം വായുവിലേക്ക്  ഉമ്മകൾ പകരേണ്ടി വരുന്നു. കാറ്റിനൊപ്പം അവയൊക്കെയും നിന്നെ തേടി വരും. കിലോമീറ്ററുകൾ താണ്ടി, സ്വയം വഴി കണ്ടു പിടിച്ച്, പകൽ വെളിച്ചത്തിലും ഇരുളിൻ മറവിലും നിന്നിലേക്കെത്തി കൊണ്ടേയിരിക്കും. നീ ഉറങ്ങുമ്പോഴും, ഉണർന്ന് മടി പിടിച്ചു കിടക്കുമ്പോഴും, കുളിക്കുമ്പോഴും, കഴിക്കുമ്പോഴും, പണിയെടുക്കുമ്പോഴും, കളിക്കുമ്പോഴും, കൂട്ടു കൂടുമ്പോഴും, യാത്ര ചെയ്യുമ്പോഴും വെറുതേ നടക്കുമ്പോഴും... കൂടുതൽ പറയുന്നതെന്തിന് ഓരോരോ നിമിഷങ്ങളിലും നിരവധി ഉമ്മകൾ നിന്നിൽ വന്നു ചേർന്നു കൊണ്ടേയിരിക്കും. ഇതൊന്നും നീ അറിയുന്നു പോലുമുണ്ടാവില്ല. എപ്പോഴെങ്കിലുമൊക്കെ നിനക്കെന്നെ പെട്ട...
Read more

സ്വയംവര പരീക്ഷ

-
Image
സ്വയം വരം എന്നാല്‍ സ്വയം വരിക്കുക. ഒന്ന് കൂടി വ്യക്തമായി പറഞ്ഞാല്‍ ഒരു കൂട്ടം യോഗ്യരായ പുരുഷന്മാരില്‍ നിന്നും തന്‍റെ മനസിനിണങ്ങുന്ന ജീവിതപങ്കാളിയെ സ്വയം തിരഞ്ഞെടുത്തു  വരണമാല്യം ചാര്‍ത്തി സ്വീകരിക്കുക.  പൌരാണിക ഭാരതത്തില്‍ രാജകുമാരിമാരുടെ വിവാഹം സ്വയം വരത്തിലൂടെയാണ്   നടന്നിരുന്നത്. സ്വയംവരത്തില്‍ തിരഞ്ഞെടുപ്പിനുള്ള സ്വാതത്ര്യം വധുവിനു മാത്രമേ ഉള്ളൂ. ഇതില്‍ പങ്കെടുക്കുന്ന പുരുഷന്മാര്‍ക്ക് സത്യത്തില്‍ ഇതൊരു മത്സരപരീക്ഷതന്നെയായിരുന്നു. ഇന്നത്തെ പല റിയാലിറ്റി ഷോകളുടെയും ആദിമ രൂപം തന്നെയായിരുന്നു അത് എന്ന് പറഞ്ഞാല്‍ തെറ്റില്ല. ത്രയംബകം വില്ല് ഒടിച്ചാണ് രാമന്‍ സീതയെ സ്വന്തമാക്കിയത്. ദ്രൌപദിയെ വേള്‍ക്കുന്നതിന്  അര്‍ജുനനും സ്വന്തം കഴിവ് തെളിയിക്കേണ്ടി വന്നു. യോഗ്യരായ അനേകരില്‍ നിന്നും ഏറ്റവും ഉത്തമനായ വരനെ കുമാരിക്ക് വേണ്ടി കണ്ടെത്തുവാനുള്ള ഒരു സമ്പ്രദായമായി വേണം സ്വയംവരത്തെ കാണുവാന്‍.  ഈ ഇരുപത്തൊന്നാം നൂറ്റാണ്ടില്‍ അങ്ങനെയൊരു സ്വയംവരം സങ്കല്‍പ്പിക്കാന്‍ കൂടി കഴിയില്ലങ്കിലും ( റിയാലിറ്റി ഷോയ്കുവേണ്ടി നടത്തിയ രാഖി സാവന്തിന്‍റെ  സ്വയംവരം തല്‍കാലം മറക്കാ...
Read more

പ്രതീക്ഷ

-
Image
Waiting for the Expected. .....- A shot from Manakkapara ജീവിക്കാന്‍ പ്രേരിപ്പിക്കുന്ന ശക്തി ജീവിക്കുവാനുള്ള ഊര്‍ജ സ്രോതസ്  വരാന്‍ പോകുന്ന നല്ലതിനെ കുറിച്ചുള്ള   പ്രതീക്ഷയാണ് ജീവിതം മുന്നോട്ടു നയിക്കുന്നത്. പ്രതീക്ഷകള്‍ ഉണ്ടായിരിക്കണം 
Read more